Les korleis Runar førebur seg til ny sesong!
Postet av Vinje Idrettslag den 27. Okt 2019
Me er glade for at Runar delar litt om korleis sommaren/hausten har vore og korleis han førebur seg til ny sesong!
Me ynskjer Runar LUKKE TIL og ser fram til mange sterke prestasjonar nok ei gong!
Deltakartilskot for 2018
Postet av Vinje Idrettslag den 19. Mai 2019
Er du medlem av Vinje IL og har delteke på større arrangement, eller hatt høge reiseutgifter i samband med idretten din i løpet av 2018? Då kan du søkje om deltakartilskot frå idrottslaget. Søknad med kostnadsoversikt sendast til Vinje IL v/Ingrid Sudbø Tveito, Juvbakkstubben 4, 3890 Vinje, eller på epost til vinje.leiar@gmail.com. Søknadsfrist 07.06.2019.
Styret Vinje IL
Helsing frå Runar
Postet av Vinje Idrettslag den 29. Mar 2019
Runar Skaug Mathisen byrja sesongen med sjukdom, men har hatt fleire knallsterke prestasjonar siste tida! Les oppdatering frå Runar her - no ladar han opp til NM 5-mila og me ynskjer LUKKE TIL!
Ny leiar av fotballgruppa er på plass!
Postet av Vinje Idrettslag den 21. Mar 2019
Me har gleda av og informere om at Sigrid Hylland og Jeanette Aamyri Olsnes saman tek på seg vervet som leiar av fotballgruppa!
Uvisst om NRK har ei nøkkelrolle i denne avgjerda men me er uansett utruleg takksame og glade for at dei tek på seg jobben!😀
Leiar av trimgruppa er dermed eit ledig verv som me håpar fell på plass snarast. Sigrid har hatt dette vervet i fleire år. Ta gjerne kontakt med Sigrid om du lurar på kva vervet inneber. I hovedtrekk er det ansvar for vaffelsteikarar i Jønnardalen, barnetrimmen innandørs om hausten, turløypene/turkort. Meld deg til valnemnda, leiar eller Sigrid.
Sponsoravtale med Heimat
Postet av Vinje Idrettslag den 21. Mar 2019
Me har gleda av og informere om at me har inngått sponsoravtale med Heimat for 3 år!
Dette gjev gode fordelar for medlemmane våre:
heimat vinje klubbfordelar.pdf
Me ser fram til samarbeidet og er veldig glade for og ha fått Heimat med på laget vårt!