Kategori

Alle innlegg Fotballgruppa (4) Info frå styret (19) Skigruppa (1) Trimgruppa (5) Vinje IL (17) RSS

Arkiv

2020 (1) 2019 (5) 2018 (5) 2017 (11) 2016 (21) 2015 (15) 2014 (14)

Dørstokkmila 2016

Postet av Vinje Idrettslag den 1. Aug 2016




Del

Ordalsåta opp 2016

Postet av Vinje Idrettslag den 15. Jun 2016


Del

Ny sesong nye moglegheiter!

Postet av Vinje Idrettslag den 30. Mai 2016

Ny sesong nye moglegheiter!


Hei igjen!


Sjølvsagt finnes det skiløparar på Island og………..
Sesongen 2016/17 er for lengst i gong. Etter ein liten månad med ferie i April, som blei bruka til å gå fleire skirenn både i Noreg og på Island, er dieselmotoren fylt til randen. Gode resultat på tampen av førre sesong, med ein 23. plass på NM 5 mila og siger i både Knarren rundt og Fossavatnsgangan 25 km på Island, gav motivasjon for å starte på ein ny barmarkssesong. Seist eg hadde eit innlegg her på heimesida til Vinje IL, var eg utlånt til Team Synnfjell. No har eg endeleg fått høve til å kalle meg ekte telemarking. Som representant for Vinje IL og løpar for Team Telemark, kan eg igjen kalle meg telemarking.
Det nystarta Team Telemark er eit profesjonelt langrennsteam. Grunnstamma av løparane kjem frå Telemark, mens det og er henta inn eminente løparar på dame og herresida for å tilføre erfaring, og skape ei sterkare gruppe. Dei fleste samlingane vil vere i Telemarks regionen. Tanken bak laget er sjølvsagt å utvikle gode langrennsløparar. I tillegg ynskjer Team Telemark å fronte fylket og dei moglegheitene som finnes her, inspirere til aktivitet hos unge og gamle og vere ei samlande kraft for regionen.

Team Telemark med luer frå Helterennet

Fyste samling er allereie gjennomført. Oppstartssamlinga vart gjennomført på Gaustablikk, der me fekk trene i bratte bakkar og fint vêr. Med eigen kokk (styreleiarenn er eit multitalent) og flott utsikt frå kjøkkenbordet var det ikkje vanskeleg å koma seg opp om morgon. Laget synes å vera ei svært lovande gruppe. Med alt frå erfarne verdscupløparar til sterke fyrsteårsseniorar, blir detta ein eksplosiv miks. På samlinga fekk me trent mange gode økter, inkludert elghufs opp Krossobanen og stakeøkt frå Rjukan og opp bakkane til Gaustablikk. Det er no grunnlaget leggast for å tole den harde treninga til hausten. Er eg for dårlig trent når eg kjem til august, vil eg ikkje kunne oppretthalde den intensiteten og timetalet eg veit må til for å gå fort til vinteren.

Utsikten frå frukostbordet


Planane for sumaren en mange. Neste veke har eg seiste eksamen på årsstudium i Pedagogikk. Direkte etter eksamen går vegen til samling på Vikafjellet med teamet, der det skal bli gått mange mil på ski. Attende i sumarveret kjem eg til å vere trenar ved Sommarland Skifestival i Bø. Der håpar eg å møte mange løparar frå Vinje IL! Som avslutning i Bø blir det arrangert 50 km klassisk rulleski i Lunde/Kanalrennet. Her stiller heile norgeseliten i langløp, så det er verkeleg noko å bryne seg på. To dagar seinare sit et på flyet til høgdesamling i Pyreneene i Frankrike. Her blir eg i tre veker, og skal trene saman med blant anna teamkamerat Mikael Gunnulfsen. Vel heime er det ikkje mange vekene før samling i Kragerø med Team Telemark. Timeplanen er som dykk skjønar tima og tilrettelagt.

Sommarland skifestival 2015


Følg gjerne med Team Telemark på Facebook med @teamtelemarkas, Instagram og Snapchat med namnet: teamtelemark

God aktiv sumar!
Helsing
Runar



Del

Vinje IL treng deg!

Postet av Vinje Idrettslag den 18. Apr 2016


Me treng DEG!

Hei DU som ynskjer å bidra slik at barn og unge skal ha moglegheit til å få oppleve idrettsglede, få skape nye vennskap, ha det moro i lag og å få nye opplevingar! DU som ynskjer å vere med å bidra til at bygda vår er ein god stad å vekse opp, og at det er ei bygd med liv og aktivitet! DU som veit at skal ein skape noko så må ein bidra!

Vinje idrottslag er eit idrottslag med ca 500 medlemmar, og me driv mange ulike grupper og idrettar. Me har ei fotballgruppe, skigruppe, trimgruppe, volleyballgruppe, sykkelgruppe og barneidrett! Skikarusellar, skirenn, fotballskular, Vinjecup, vaflar i Jønnardalen og TA-trim. Bak alle desse aktivitetane og arrangementa ligg det mange dugnadstimar, for at borna skal oppleve idrettsglede, skape nye venskap, ha det moro i lag og oppdage nye opplevingar! Der er trenarar, lagleiarar, sjåførar, loddseljarar og is-seljarar. I tillegg sit det eit styre i idrottslaget. Og under der sit det eit styre i kvar gruppe som organiserer og planlegg alle aktivitetar og arrangement. Desse styra er nødvendige for å halde aktivitetane i gang, og for at vi skal vere eit fungerande idrottslag.

Me, Vinje idrottslag, ynskjer hjelp til forskjellige verv som er viktige for at me skal vere eit fungerande idrottslag. Me håpar at DU ynskjer å bidra! Oppgåvene er oppgåver alle klarer, og det er tett samarbeid innad i gruppene og i styrene. Ynskjer du å vere leiar i idrottslaget? Eller nestleiar? Me treng og nokon som kan vere med å planleggje og organisere Vinjedagslotteriet, kanskje du kan hjelpe til med det? I tillegg treng volleyballgruppa eit medlem i styret sitt, kanskje du kan bidra der?

Alle desse oppgåvene er dugnadsarbeid, og det er den måten me driftar idrottslaget vårt på! Ulønna, frivillig arbeid for fellesskapet. For bygda me bur i, for idrottslaget, for idrettsglede! Meld deg frivillig i ein av desse verva, og bidra til aktivitet, arrangement og idrettsglede!


Mvh
Styret Vinje IL v/leiar Maria Bruleite Bjåen
Mail: maria_b_bjaen@hotmail.com,
Tlf: 91719899



Del